《金枝玉葉》幕後花絮

煙火 發表於: 星期一 十一月 24, 2008 10:55 pm 促膝長談討論區

《金枝玉葉》現場報導
　　　　
　　　　靚靚哥哥床上蜜語
　　　　
　　　　原來，講「波經」可以在球場講，可以在電視機前講，亦都可以在床上講。不過，不同地方講的「波經」，可能是講足球籃球網球或是人球。無錯，是人球，亦即是男人或女人的胸部。
　　　　
　　　　床上戲
　　　　
　　　　喂：『o黎啦！』哥哥張國榮一講完就雙手一伸頭一縮，脫去身上T恤，然後跳上大床竄進被窩，準備同袁靚靚來一場「床上戲」。 露兩點的哥哥為求完美，避免身體郁動時穿崩露出褲頭，索性將短褲脫掉，只穿內褲。 可惜，袁親親沒露點沒露膊，甚至連性感內衣都欠奉，因為這場「床上戲」不是「咩野」，而是酒醉後發夢，所以，袁靚靚穿得好密實。 雖然沒有床上肉搏，不過袁靚靚同哥哥 在試完戲後，就即場上演一幕「口鬥」，你一言我一語互相捉弄。 『嘩！哥哥你(胸)好犀利！』靚靚指住張國榮的胸部，然後又說：『你有埋波罅添！』 『梗系啦！好似你咩！我閑閑地都夾到條鎖匙，你就連支牙籤都唔得！』哥哥揶揄靚靚時，全人類都在笑。 『你好衰架！你咁講人地好自卑架！』雖然給哥哥踩袁靚靚沒嬲還在笑，因為，她對自己的身材都幾滿意，『雖然我系瘦，不過我絕對唔系飛機場上一粒沙，起碼都系飛機場上嘅「安全泊」果然是個「安全泊」，因為靚靚穿上西裝時，依然有「睇頭」，並不平面方角。
　　　　
　　　　----------------------------------------------------------
　　　　榮哥哥被封「Kiss聖手」
　　　　
　　　　「吻」完之後，靚靚封哥哥張國榮做『Kiss聖手』，因為哥哥夠放帶她入戲，既然夠放, 那麼有沒有…..？ 靚靚聽到記者的出位元問題，立刻大叫站在另一角接受記者訪問的哥哥不要答，靚靚話：『答無既話，我唔系好無面？！』 點知榮少不理三七廿，一句話，『無反應。』立刻引得大家笑呵呵。
　　　　
　　　　此時，工作人員突然將片廠的燈熄滅，漆黑一片之下， 又聽到靚靚大叫：『哥哥小心D，咁多女人圍住你。』 靚還作狀擋在哥哥前面，大叫：『我要保護你。』 逗得張國榮啼笑皆非。大家都看得出，榮少好照顧靚靚，靚靚在哥哥面前也特別乖巧精靈，兩人已到沒有年齡、男女性別的限制。所以，『金枝玉葉』幕前與幕後都是一出好戲。