阿飛正傳-對白精華

煙火 發表於: 星期日 二月 25, 2007 1:08 am 促膝長談討論區

阿飛正傳-對白精華
Days Of Being Wild

轉載自某網站：http://ahyuenmovie.netfirms.com/daysofbeingwild/
網頁上還配了劇照。

1.

你今日有d唔同喎

無呀, 有咩唔同呀?

無? 你耳仔咁紅既?

你究竟想點姐?

無我想同你做朋友姐~

我點解同你做朋友呀?

睇下我隻錶

點解睇住你隻錶姐

一分鐘丫

......

夠鐘喇, 講啦

今日幾多號呀?

十六號囉

十六號......四月十六
一九六零年四月十六號下晝三點之前果分鐘你同我係埋一齊,
因為你我會記得果一分鐘,
由依家開始我地就係一分鐘既朋友,
呢個係事實黎, 你追唔返架
因為已經過去左,
我聽日會再黎!



2.

你可唔可以同我傾下計呀?

你同你男朋友既事我幫你唔到架

我淨係想傾下計咋

你無朋友架咩?

我唔想俾人知到我d野

咁你又同我講?

如果我唔再......
我唔係想行返黎呢度架,
我應承過自己以後都唔行返去果度,
如果我再返去我一定好憎我自己架,
我唔想憎我自己呀
你幫下我丫


3.

你咁落去唔得架喎

我都話過左今晚我會無事架囉

你成日話過左今晚無事, 你琴晚點過?
如果你過得琴晚今晚就唔會係度啦
做人既野, 一係要, 一係唔要
如果你真係無左佢唔得既, 你咪返上去話俾佢聽無左佢唔得囉
如果唔係, 你就由呢一分鐘開始當無識過呢個人

你唔好提呢一分鐘喇!

我以前以為一分鐘好快會過架,
其實都可以好耐架,

有一日有個人指住個鐘同我講,
佢話會因為果分鐘而會永遠記得我,
我果陣時係覺得好好聽架,

但係我依家望住個鐘, 我就話俾自己知,
我由呢分鐘開始, 要唔記得呢個人



4.

唔係個個都咁好彩架
做人千祈唔好比較



5.

佢有無黎過呀
我問你佢有無黎過呀
你唔應我就得架喇?
我知你成日都有見佢既
你做乜咁賤姐?
人地都話唔要你囉
你做乜死纏住佢姐?

依家人地唔要你呀, 你咪自己返屋喊囉
做乜要話俾我知呀?
我唔想知佢原來唔係對我特別衰呀
亦都唔係對你特別好呀

你唔好撩我

佢對個個女人都係一樣架咋



6.

我係咪見過你架?

唔記得喇, 我都無乜記性既

我都係



7.

以前, 以為有種雀可以一開始就飛飛到死果日先會落地
其實佢邊度都無去過,
隻雀仔一開始就已經死左,
我曾經講過我未到最尾我都唔知我最鍾意既女人係邊個,
唔知到佢係度做緊咩呢?
啊, 天開始光喇
今日天氣睇黎幾好喎
唔知今日既日落會係點既呢?



8.

hey~

下?

你記唔記得舊年既四月十六日下晝三點鐘你做過d乜野?

點解咁問?

無, 我有個朋友佢考我記性
佢問我, 果日做過d乜野
我就唔記得喇, 你呢?

佢講俾你聽架?

我以為你唔記得左添

要記得既我永遠都記得架
你同佢有來往既咩?

一段時間喇
不過行船之後, 無聯絡
你呢?

我?
無囉
佢仲同你講d咩呀?

無lu
其實我識左佢無幾耐姐

你好鍾意佢架?

唔係呀, 朋友黎姐

第日有機會撞返佢你話俾佢聽我咩都唔記得,
咁樣大家都好過d

我都唔知我再有無機會見返佢,
或者再見返佢, 根本唔記得我 。